ЯҢАЛЫКЛАР
"Кулланучыларның хокукларын яклау турында" РФ Законы кулланучы, җитештерүче, башкаручы һәм сатучы арасында килеп чыккан мөнәсәбәтләрне җайга салуга юнәлтелгән; кулланучының товарлар, эшләр, хезмәт күрсәтүләр һәм аларны башкаручы, җитештерүче, сатучы турында мәгълүматка хокукларын билгели; товарлар сатканда, эшләр башкарганда һәм хезмәтләр күрсәткәндә кулланучының хокукларын яклый; кулланучыга хокукларын яклауны гамәлгә ашыручы дәүләт органнары һәм иҗтимагый оешмалар турында хәбәр итә һ.б.
Чаллы территориаль органы эчке базарны үстерү һәм координацияләү бүлеге белгечләре "Торговый квартал" сәүдә үзәгендә эшкуарлар һәм аларның вәкилләре өчен кулланучыларның хокукларын яклауга кагылышлы мәсьәләләр буенча кизү торуны оештырды.
2019 елның 9 сентябрендә ТР Дәүләт алкоголь инспекциясенең Казан территориаль органы хезмәткәрләре "179нчы гимназия", "177нче лицей", "Татар телендә белем бирүче 155нче гимназия", "20нче урта гомуми белем бирү мәктәбе", "34нче татар-рус урта гомуми белем бирү мәктәбе" һәм "Инглиз телен тирәнтен өйрәнүле 165нче урта мәктәп" укучылары белән очрашу үткәрде.
Әгерҗе муниципаль районының Бима авыл җирлегендә район башкарма комитеты җитәкчесе урынбасары О.А.Баженова һәм ТР Дәүләт алкоголь инспекциясенең Чаллы территориаль органы вәкиле Р.Д.Яппарова катнашында халыкны күчмә кабул итү үткәрелде.
"2014-2021 елларга Татарстан Республикасында кулланучыларның хокукларын яклауның комплекслы системасын үстерү" дигән 6 нчы ярдәмче программаны үтәү максатында, 2019 елның 4 сентябрендә Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре Әлки муниципаль районының Базарлы Матак авылында кулланучылар һәм хуҗалык итүче субъектлар өчен чаралар комплексы үткәрде.
2019 елның 2 сентябрендә Лаеш муниципаль районында Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Татар Сараланы авыл җирлегендә яшәүчеләр белән очрашты.
Авыл җирлегендә яшәүчеләр игътибарына ТР Дәүләт алкоголь инспекциясенең 2019 елның 8 ае эшчәнлеге турында мәгълүмат җиткерелде.
2019 елның август ахырында ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече хосусый эшкуар Г.Б. Гыйлаҗиева сәүдә объектында белем бирү семинары үткәрде.
Менә тагын бер җәй үтеп, көз килеп җитте. Ә көз – уңыш, гөмбә һәм яңгырлар гына түгел әле ул. Көз – яңа уку елының башлануы да! Ел саен яңа уку елы башлану белән ТР Дәүләт алкоголь инспекциясенең Чаллы территориаль органының кайнар линия телефонына ялгыш сатып алынган китапларны алыштыру яки кире кайтару (авторы ул түгел, тиешле басма түгел һ.б.) уңаеннан шалтыратулар килә башлый. Мәсәлән, шушы көннәрдә 8 нче сыйныф укучысы шалтыратып, музыка дәреслеген игътибарсыз сатып алганлыгы турында әйтте. Әсбап туры килмәгән. Китап кибетендә аны алыштырудан баш тартканнар һәм икенчесен сатып алырга кушканнар.
Татарстан Республикасы Дәүләт алкоголь инспекциясенең Чистай территориаль органына, консультация сорап, гражданин Н. мөрәҗәгать итте. Баксаң-күрсәң, ул хосусый йорт өчен газ казаны сатып алган булган. Казанны урнаштырганда газ хезмәте белгечләре анда җитешсезлекләр тапкан һәм урында ук Җитешсезлекләр акты төзелгән. Кулланучы бу акт белән сатучыга кимчелекләре булган товарны алыштыру таләбе белән мөрәҗәгать иткән. Сатучы казанны кабул итеп, сатып алучы таләбен кырык биш көн эчендә товарның сыйфатын тикшергәннән соң гына үтәячәге хакында әйткән. Сатып алучы безгә сорау бирде: "Болай эшләү хокуклымы?"
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре Татарстан Республикасы Хезмәт, халыкны эш белән тәэмин итү һәм социаль яклау министрлыгының Чистайдагы "Юлдаш" картлар һәм инвалидлар интернат-йорты" дәүләт автоном социаль хезмәт күрсәтү учреждениесендә лекция-әңгәмә оештырды.