ЯҢАЛЫКЛАР

Алкоголь базарында хокук бозуларны булдырмауга юнәлдерелгән «Алкоголь» оператив-профилактик чарасын уздыру кысаларында «Ачык тикшерү сатып алуы» оператив-эзләү чарасы барышында Россия Эчке эшләр министрлыгының Зәй районы бүлеге хезмәткәрләре авыл кибетләренең берсендә спиртлы сыеклыкны законсыз сатуны ачыкладылар. Аңлатмадан күренгәнчә, сатучы үзе җитештергән алкоголь продукциясен шәхси эшмәкәр рөхсәтеннән башка саткан, көмешкә сатып, өстәмә керем алырга карар кылган.

Алкогольле продукцияне әзерләү һәм сату процессы РФ законнары белән төгәл җайга салына. Махсус лицензия алган оешмалар гына спиртлы эчемлекләр белән эшләргә хокуклы. Сәүдә алып барганда әлеге кагыйдәләрне үтәмәү алкогольле продукциянең законсыз әйләнеше дип атала. РФ ҖК, шулай ук Административ хокук бозулар турындагы кодекс маддәләре мондый җинаять өчен җаваплылыкны күздә тота.

Россия Федерациясе Эчке эшләр министрлыгының Ютазы районы буенча бүлеге хезмәткәрләре тарафыннан, Татарстан Республикасы Дәүләт алкоголь инспекциясенең Әлмәт территориаль органы хезмәткәре белән берлектә, Урыссу - Октябрьск автомобиль юлының өченче километрында, ГАЗ-2705 маркалы автомобильдә, этикеткасыз 10 данә 5 л сыешлы полимер савытларда, үтә күренмәле спиртлы сыекча ташу факты ачыкланды. Алынган спиртлы продукциянең гомуми күләме 41 литр тәшкил итте.

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Зәй районы буенча бүлегеннән, авыл торак пунктлары буенча автолавка өчен җиһазландырылган «Газель» автомобилендә төрле исемдәге алкогольле продукция, аерым алганда, аракы һәм сыра ташу һәм ваклап сату белән шөгыльләнүче шәхси эшмәкәргә карата материал алынды.

Россия Эчке эшләр министрлыгының Яшел Үзән районы бүлегенең икътисади иминлек һәм коррупциягә каршы көрәш бүлеге хезмәткәрләре тарафыннан Татарстан Республикасы территориясендә Яшел Үзән районында яшәүче кешенең үзе җитештергән спиртлы продукция (көмешкә) сатуы турында мәгълүмат алынды.

Төнлә йоклый алмаучыларны эшмәкәрләр кайгыртырга булган. Шулай итеп, 12-13 август төнендә, контроль чаралар үткәрү барышында, Казан территориаль органы хезмәткәрләре чираттагы тапкыр Казан шәһәренең Киров һәм Идел буе районнары территориясендә алкогольле продукция белән сату итү фактларын ачыклады.

«Халык контроле» Татарстан Республикасы Дәүләт мәгълүмат системасына Түбән Кама сәүдә үзәгенең сәүдә нокталарының берсендә алкогольле һәм спиртлы продукция сату 22.11.1995 ел, №171-ФЗ Федераль законны бозып башкарыла, дип хәбәр килде. Түбән Кама территориаль органы хезмәткәрләре тарафыннан кергән мәгълүмат тикшерелде, тикшерү барышында әлеге факт үзенең раславын тапты.

Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре “Халык контроле” дәүләт һәм муниципаль хезмәтләр порталына кергән гаризаларны карау кысаларында Чаллы шәһәренең гараж җәмгыятендә урнашкан сәүдә объектында тиешле документларсыз сыра һәм сыра эчемлекләре сатуны, шулай ук БДАМС системасында сатыла торган алкогольле продукциянең белешмәләре булмау фактын билгеләде.

2019 елның 9 сентябрендә Казан территориаль органы вәкилләре Казан шәһәренең Совет районы территориясендә контроль чаралар үткәрде.

         Аерым алганда, Бигичев урамында урнашкан сәүдә бинасын карау барышында БДАМС системасында теркәмичә генә алкогольле продукция сату факты ачыкланды. 34 литр күләмендә сыра һәм сыра эчемлекләре табылды һәм әйләнештән алынды.

2019 елның 5 сентябрендә Татарстан Республикасы Дәүләт алкоголь инспекциясенең Чаллы территориаль органы хезмәткәрләре, "Халык контроле" дәүләт мәгълүмат системасында урнаштырылган озату документларыннан башка сыра сату турындагы шикаять нигезендә, Чаллы шәһәрендәге сәүдә объектларының берсенә барып кайтты. Контрольлек чарасын үткәргәндә, продукция килүне БДАМС системасында теркәмичә генә сыра һәм сыра эчемлекләрен сату факты билгеләнде. 278,16 литр күләмендә сыра продукциясе законсыз әйләнештән алынды.