ЯҢАЛЫКЛАР
17 сентябрьдә Арча муниципаль районының Яңа Кырлай авылында традицион «Ат Көне-2022» ат спорты бәйрәме узды.
Бәйрәм программасында 40, 80, 100, 120, 160 чакрымга халыкара ат чабышлары, татар, чиста токымлы, ярым токымлы һәм җирле токымлы атлар өчен ат чабышлары, «Иң тиз йөртүче» конкурсы, «Иң матур бизәлгән арба» конкурс-күргәзмәсе, «Аударыш» атларда көрәш, ат йөгәнләү буенча мастер-класс, атлы спорт мәктәбе балалары һәм кинологлар чыгышлары бар иде.
Ат-спорт ярышларыннан тыш, кунаклар өчен конкурслар уздырылды, авыл хуҗалыгы ярминкәсе дә оештырылган иде.
Татарстан Республикасы Дәүләт алкоголь инспекциясенең Чистай территориаль органының эчке базарны үстерү һәм координацияләү бүлеге консультанты Чистай муниципаль районының Каргалы авыл җирлеге башкарма комитеты хезмәткәрләре өчен кулланучылар хокукларын яклау турындагы законнарны аңлату буенча семинар-укулар үткәрде.
Татарстан Республикасы Дәүләт алкоголь инспекциясенең Арча территориаль органының әйдәүче белгеч-эксперты Зөһрә Гыйльметдинова «Гөлнара» ҖЧҖ сәүдә объектында сатучылар өчен кулланучылар хокукларын яклау һәм сәүдә кагыйдәләрен үтәү өлкәсендәге гамәлдәге законнарны үтәү мәсьәләләре буенча консультация чарасы уздырды.
2022 елның 15 сентябрендә Татарстан Республикасы Арча территориаль органының эчке базарны үстерү һәм координацияләү бүлеге башлыгы Ләйсән Абдуллина Әтнә муниципаль районының Олы Мәнгәр төп гомуми белем бирү мәктәбендә 8-9 сыйныф укучылары өчен кулланучылар белеме нигезләре буенча сыйныфтан тыш дәрес үткәрде.
2022 елның 15 сентябрендә Татарстан Республикасы Дәүләт алкоголь инспекциясенең Казан территориаль органы начальнигы Марина Егорова Татарстан Республикасы Биектау муниципаль районы Олы Битаман авыл җирлеге халкы белән очрашу үткәрде.
Товар һәм сатучы турында сатып алучыларга нинди мәгълүмат тәкъдим ителергә тиеш, сатыла торган товарларга бәяләрнең ничек рәсмиләштерелергә тиешлеге, товарларның билгеләнгән таләпләргә туры килүе нинди документлар белән раслануы, үлчәү җиһазлары булу кирәклеге турында сөйләделәр.
Татарстан Республикасы Дәүләт алкоголь инспекциясенең Яр Чаллы территориаль органы белгечләре һәр пәнҗешәмбе көнне кулланучылар, шулай ук шәһәрнең хуҗалык итүче субъектлары өчен профилактик чара үткәрә. Чираттагы эш «Чаллы» сәүдә үзәгенә оештырылды. Чарада катнашучыларга «Кулланучылар хокукларын яклау турында» 07.02.1992 елдагы 2300-I номерлы РФ Законының төп нигезләмәләре аңлатыла, кулланучылар өчен мәгълүмат белешмәлекләре таратыла.
15.09.2022 көнне Татарстан Республикасы Дәүләт алкоголь инспекциясенең Казан территориаль органы хезмәткәрләре «Азино-2» Универсамы территориясендә эшчәнлек алып баручы хуҗалык итүче субъектлар белән семинарлар үткәрделәр.
Үткәрелгән чаралар барышында «Кулланучылар хокукларын яклау турында» Россия Федерациясе Законы нормалары, законнардагы үзгәрешләр, 2020 елның 31 декабрендәге 2463 номерлы ваклап сату-алу шартнамәсе буенча товарлар сату Кагыйдәләре һәм 2020 елның 21 сентябрендәге 1514 номерлы Россия Федерациясендә халыкка көнкүреш хезмәте күрсәтү Кагыйдәләре каралды.
2022 елның 15 сентябрендә Татарстан Республикасы Дәүләт алкоголь инспекциясенең Казан территориаль органы хезмәткәрләре азык-төлек кибетләрендә кулланучыларга хезмәт күрсәтү сыйфатын һәм культурасын күтәрү буенча семинарлар уздырды.
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге консультанты, мөмкинлекләре чикләнгән кешеләрнең куллану белемен арттыру максатыннан, Чистай инвалидлар шәһәр оешмасында кулланучылар хокукларын яклау турындагы законнарны аңлату буенча лекция оештырды.
Чара барышында, җәмгыять әгъзалары соравы буенча, кулланучылар базарындагы товарлар сатканда һәм хезмәт күрсәткәндә кулланучыларга өстәмә хезмәтләр күрсәтү белән бәйле хәлләрне карадылар.
2022 елның 15 сентябрендә Татарстан Республикасы Әтнә муниципаль районының Олы Мингәр авыл җирлегендә кулланучылар хокукларын яклау һәм алкогольле продукцияне сату өлкәсендәге мәсьәләләр буенча гражданнарны күчмә кабул итү оештырылды. Татарстан Республикасы Дәүләт алкоголь инспекциясенең Арча территориаль органы башлыгы вазифаларын башкаручы Ләйсән Абдуллина үткәргән чарада авыл халкы һәм авыл җирлеге хезмәткәрләре катнашты.