ЯҢАЛЫКЛАР
2022 елның 10 мартында, Бөтендөнья кулланучылар хокукларын яклау көне кысаларында, Татарстан Республикасы Арча муниципаль районының Үрнәк авыл җирлегендә (Казанбаш авылы) кулланучылар хокукларын яклау һәм алкогольле продукция сату өлкәсендәге мәсьәләләр буенча гражданнарны күчмә кабул итү оештырылды һәм үткәрелде. Кабул итүне Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина үткәрде. Чарада авыл халкы һәм авыл җирлеге хезмәткәрләре катнашты.
«Fair Digital Finance - Гадел цифрлы финанс хезмәтләре» девизы астында 2022 елда игълан ителгән Бөтендөнья кулланучылар хокукларын яклау көне кысаларында Татарстан Республикасы Дәүләт алкоголь инспекциясенең Чистай территориаль органы белгече 9 мартта кулланучылар өчен дә, сәүдә хезмәткәрләре өчен дә «Магнит» кибетендә консультация өстәле оештырды.
Консультация пункты эшендә төп бурычларның берсе - кулланучылар культурасын һәм хокукый белемне арттыру максатыннан кулланучылар законнары мәсьәләләре буенча халыкка мәгълүмат җиткерүне, агартуны оештыру.
Татарстан Республикасы Дәүләт алкоголь инспекциясенең Түбән Кама территориаль органы начальнигы Марат Солтанов Бөтендөнья кулланучылар хокукларын яклау көне алдыннан Аксубай муниципаль районында гражданнарны кабул итте.
Ел саен 15 мартта халыкара җәмәгатьчелек тарафыннан Бөтендөнья кулланучылар хокукларын яклау көне билгеләп үтелә. Инде гадәттәгечә, Татарстан Республикасы Дәүләт алкоголь инспекциясенең Яр Чаллы территориаль органы карамагындагы муниципаль берәмлекләрдә, эчке базарны үстерү һәм координацияләү бүлеге белгечләре тарафыннан кулланучылар һәм хуҗалык итүче субъектлар өчен семинарлар, базарларда кизү торулар үткәрелә, кулланучылар хокукларын яклау һәм гамәлдәге законнарны үтәү мәсьәләләре буенча консультация өстәлләре оештырыла.
2022 елның 10 мартында Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм контроль-инспекция бүлегенең әйдәп баручы белгеч-эксперты Ирина Галимова Теләче муниципаль районының Үзәк авыл җирлегендә гражданнарны чираттагы күчмә кабул итү оештырды.
Татарстан Республикасы дәүләт хакимияте башкарма органы хезмәткәрләре, «Халык контроле» дәүләт мәгълүмат системасына гражданнардан кергән мөрәҗәгатьләргә бәйле рәвештә, алкогольле продукцияне сату өлкәсендә контрольлек итү буенча чара үткәрде.
Ел саен 15 мартта Бөтендөнья кулланучылар хокукларын яклау көне билгеләп үтелә. Традиция буенча, Халыкара кулланучылар оешмасы (Consumers international, СІ) ел саен, теге яки бу актуаль проблемага җәмәгатьчелек игътибарын җәлеп итү өчен, Бөтендөнья кулланучылар хокуклары көне тематикасын билгели.
Хөрмәтле хезмәттәшләр! Кадерле хатын-кызлар, кадерле ханымнар! Татарстан Республикасы Дәүләт алкоголь инспекциясе ир-атлары исеменнән сезне язның беренче бәйрәме - 8 Март белән котлыйм!
Сез - безнең планетабызның бизәге, коллективыбызның бизәге! Сез - гаилә учагын саклаучылар!
Сезгә чын күңелдән наз, игелек, илһам телим! Тормыштагы вакыйгаларның берсенә дә карамастан бәхетле булыгыз!
Сез барыгыз да искиткеч гүзәлләр! Хатын-кызлар көне белән сезне, кадерле хезмәттәшләр!
Хөрмәт белән, ТР Дәүләт алкоголь инспекциясе җитәкчесе Җәүдәт Әхмәтханов.
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре Бөтендөнья кулланучылар хокукларын яклау көне алдыннан Мамадыш шәһәренең «Забота» халыкка хезмәт күрсәтү комплекслы үзәгендә булдылар. Белгечләр Май чабу бәйрәмендә катнаштылар, аның барышында буклетлар тарату буенча акция үткәрелде.
15 мартта халыкара җәмәгатьчелек Бөтендөнья кулланучылар хокукларын яклау көнен билгеләп үтә. Быел бәйрәм «Гадел цифрлы финанс хезмәтләре» шигаре астында узганга күрә, Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасы буенча территориаль идарәсе хезмәткәрләре «АкБарс банк» ГАҖ филиалларының берсендә семинар-уку үткәрделәр.