ЯҢАЛЫКЛАР

Татарстан Республикасы Дәүләт алкоголь инспекциясенең Чистай территориаль органына кулланучылар хокукларын яклау турындагы законнарны аңлату сорап Чистай шәһәрендә яшәүче хатын-кыз мөрәҗәгать итте. Кер юу машинасын гарантияле ремонтлау вакытында аңа башка товарны вакытлыча файдалануга бирмиләр, моны алмаш фонд булмавы белән аңлаталар икән.

Татарстан Республикасы Дәүләт алкоголь инспекциясенең Арча территориаль органы хезмәткәре Ирина Галимова шәхси эшмәкәр А.Р. Нәҗметдинованың «Идеальная пара» кибетендә сатучылар өчен семинар үткәрде. Чараның төп юнәлеше - кулланучылар хокукларын яклау турында законнар нормасын, РФ Хөкүмәтенең 31.12.2020 елның 2463 номерлы карары белән расланган сәүдә кагыйдәләрен, кулланучылар хокукларын яклау турында закон нигезләрен сатучыларга җиткерү.

Татарстан Республикасы Дәүләт алкоголь инспекциясенең Чистай территориаль органы хезмәткәрләрен хезмәткә әзерләү буенча тематик план һәм дәресләр расписаниесе кысаларында «Эш тәҗрибәсе белән уртаклашу, административ һәм башка законнарны ТР Чистай районы буенча ЭЭБ һәм РФ Эчке эшләр министрлыгының ПК хезмәткәрләре эшчәнлегендә куллану» темасына дәрес үткәрелде.

Югары икътисад мәктәбендә Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре һәм икътисад бүлеге студентлары белән очрашу узды. Яр Чаллы территориаль органы вәкилләре студентларга Кулланучылар базары өлкәсендә гамәлдәге законнар турында сөйләделәр. Мисалларда РФ 2300-1 07.02.1992 елгы «Кулланучылар хокукларын яклау турында»гы Законының төп статьяларын куллануны аңлаттылар.

Татарстан Республикасы Дәүләт алкоголь инспекциясенең Чистай территориаль органына гражданин П. гарантия срогы тәмамланганнан соң товарда җитешсезлекләр ачыкланганда кулланучының хокукларын аңлатуны сорап мөрәҗәгать итте. Кулланучының, унике айлык гарантия срогы тәмамланганнан соң берничә көн үткәч, кесә телефонында кимчелекләр барлыкка килгән. Бу хәлне чишү юлын табу максатыннан сатып алучы территориаль органга мөрәҗәгать итә. Гражданга «Кулланучылар хокукларын яклау турында» РФ Законының 19 статьясы аңлатылды.

2023 елның 31 маенда Лаеш районында Лаеш муниципаль районының хуҗалык итүче субъектлары белән алкогольле һәм спиртлы продукцияне ваклап сату өлкәсендә хокукны куллану һәм административ практика мәсьәләләре буенча ачык чара уздырылды.

Татарстан Республикасы Дәүләт алкоголь инспекциясенең Чистай территориаль органының эчке базарны үстерү һәм координацияләү бүлеге белгече халыкның хокукый белемен арттыру максатыннан Яңа Чишмә районы КФҮдә консультация өстәле оештырды.

Гражданнарга товарлар сатуда һәм хезмәт күрсәтүдә гамәлдәге закон нормаларын куллану буенча аңлатмалар бирелде, кулланучылар законнары нигезләре, дәгъвалар бирү тәртибе һәм аларны карау вакыты аңлатылды.

Мөрәҗәгать итүчеләр азык-төлек һәм сәнәгать товарлары сәүдәсе өлкәсендә, шул исәптән Интернет-кибетләр аша товарлар сату мәсьәләләре буенча консультацияләр ала алдылар. Һәр конкрет ситуациядә гражданнарга аларның хокуклары Россия Федерациясенең «Кулланучылар хокукларын яклау турында»гы Законы нигезендә аңлатыла.

2023 елның 19 маенда Россия Эчке эшләр министрлыгының Яр Чаллы шәһәре буенча идарәсе БЭБ һәм ПК хезмәткәрләре тарафыннан Татарстан Республикасы Дәүләт алкоголь инспекциясе хезмәткәрләре ярдәмендә Яр  Чаллы шәһәрендә яшәүче А. игътибарга алынды. Ул Тукай районының коммерцияле булмаган бакча ширкәтләрендә урнашкан кибетләргә, шулай ук Чаллы шәһәрендәге кибетләргә акциз маркалары булмаган көчле алкоголь куюны оештырган.

Консультация өстәле барышында Татарстан Республикасы Дәүләт алкоголь инспекциясенең Чистай территориаль органы белгече кулланучыга үз мәнфәгатьләрен суд тәртибендә яклау хокукын аңлатты.

РФ «Кулланучылар хокукларын яклау турында»гы Законының 17 маддәсе нигезендә кулланучылар хокукларын яклау суд тарафыннан башкарыла. Кулланучылар хокукларын яклау турында дәгъвалар дәгъвачының оешма урнашкан урыны буенча, ләкин әгәр җавап бирүче шәхси эшмәкәр булса, дәгъвачының яшәү яки тору урыны, килешү төзү яки үтәлеше урыны буенча белдерелергә мөмкин.

Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгече тарафыннан Татарстан Республикасы Яңа Чишмә муниципаль районы Башкарма комитетының сәүдә бүлеге хезмәткәрләре өчен семинар-уку оештырылды. Чараның максаты - кулланучылар хокукларын яклау өлкәсендә хезмәткәрләрнең белемен арттыру.