ЯҢАЛЫКЛАР
2021 елның 7 маенда, Бөек Җиңүнең 76 еллыгы алдыннан Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм эчке базарны үстерү һәм координацияләү бүлеге начальнигы Ләйсән Абдуллина Бөек Ватан сугышы ветераннары 1926 елда туган Муллагалиев Бари Вәли улы һәм 1927 елда туган Ногуманов Тәлгать Ногман улының өйләрендә булдылар, аларны Бөек бәйрәм белән котладылар. Бу чара традициягә әверелде.
Бүген Татарстан Республикасы урман фонды территориясендә «Хәтер бакчасы» халыкара акциясе узды. Татарстан Республикасы Дәүләт алкоголь инспекциясе хезмәткәрләре бу акциядә актив катнаштылар – алар үсентеләр утырту өчен Лаеш районына бардылар.
Быел без Бөек Ватан сугышында Җиңүнең 76 еллыгын билгеләп үтәбез. Сугышта катнашучылар һәм тыл хезмәтчәннәре елдан-ел кими бара. Нәкъ менә аларга сугыш дәһшәтен кичерергә туры килгән.
Бөек Ватан сугышында Җиңүнең 76 еллыгын бәйрәм итү, 2021 елда Татарстан Республикасында Туган телләр һәм Халыклар бердәмлеге елын үткәрү кысаларында Әгерҗе муниципаль районында «Хәтер бакчасы» дигән Халыкара акция узды. Акция барышында Әгерҗе – Красный Бор юлында нарат үсентеләре утыртылды. Бүген Татарстан Республикасы Дәүләт алкоголь инспекциясенең Яр Чаллы территориаль органы белгече Раушания Яппарова әлеге акциядә катнашты.
Татарстан Республикасы Дәүләт алкоголь инспекциясе җитәкчесе Җәүдәт Әхмәтханов Казан шәһәренең Киров-Мәскәү районында яшәүче ветераннарны Бөек Ватан сугышында Җиңүнең 76 еллыгы белән котлады.
Бөек Ватан сугышында катнашучылар Петр Яльдиряков һәм Галина Чурилова Татарстан Республикасы Президенты Рөстәм Миңнеханов, Казан шәһәре мэры Илсур Метшин исеменнән шәхси котлау открыткалары һәм азык-төлек җыелмалары алдылар.
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре тарафыннан Казан шәһәре, Шамил Усманов урамы, 1 нче йорт адресы буенча урнашкан Мәскәү базары территориясендә кизү тору үткәрелде.
Ни чәчсәң, шуны урырсың дигән әйтем тирән мәгънәле. Елның нәкъ менә шундый чоры җитте, яз килде, сыйфатлы утырту материалын сайлау мәсьәләсенә җитди якын килергә кирәк һәм шул чакта гына көз мул уңыш белән сөендерәчәк. Бакчачылар алдында сайлау гади түгел: орлыкларны кайдан сатып алырга, нинди сортларга өстенлек бирергә, ничек дөрес сайларга? Яз көне бу товарларның тәкъдиме ихтыяҗдан артып китә башлый. Җир асты кичүендә, азык-төлек кибетендә, базарда сатылалар, һәм бакча күршебез дә үз орлыклары белән бүлешергә мөмкин, чыннан да, сайлау гади түгел.
Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре Менделеевск шәһәре кибетләренең берсендә иртәнге сәгатьләрдә сыраны ваклап сату фактын билгеләде.
Шәхси эшмәкәр РФ КоАП 14.6 ст. 3 өлеше буенча административ хокук бозу турында беркетмә төзү өчен чакырылган.
06.05.21 Татарстан Республикасы Дәүләт алкоголь инспекциясенең Казан территориаль органы хезмәткәре тарафыннан сәүдә һәм җәмәгать туклануы предприятиеләрендә кулланучылар өчен кизү торулар үткәрелде.
Чаралар үткәргәндә кулланучылар хокукларын яклау өлкәсендә гамәлдәге законнар аңлатылды.
2021 елның 6 маенда Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм контроль-инспекция бүлегенең әйдәп баручы белгеч-эксперты Гөлназ Шакирова Балтач муниципаль районының Норма авылында халыкны чираттагы күчмә кабул итү үткәрделәр. Анда Норма авыл җирлеге башлыгы Радик Шәрифҗанов та катнашты. Чара кысаларында алкогольле продукцияне сату мәсьәләләре, кулланучылар хокукларын яклау өлкәсендәге мәсьәләләр буенча фикер алышынды, шулай ук авыл җирлеге белгечләре өчен семинар-укулар үткәрелде.