ЯҢАЛЫКЛАР

Еш кына, контроль-инспекция чараларын үткәрү барышында, Казан территориаль органы хезмәткәрләре законсыз әйләнештә яки яраклылык срогы чыккан шактый гына алкогольле һәм спиртлы продукция булуын ачыклый, кагыйдә буларак, мондый продукция әйләнештән алынырга тиеш.

Мондый продукцияне конфискацияләү турында суд карары чыгарылганнан соң, аны юк итү турында тиешле гаризалар формалаштырыла.

Бөек Ватан сугышында Җиңүнең 75 еллыгы һәм Апас районы оешуга 90 ел тулу проекты кысаларында агымдагы елның 28 нче февралендә Татарстан Республикасы Дәүләт алкоголь инспекциясенең Яшел Үзән территориаль органы контроль-инспекция бүлегенең әйдәп баручы белгеч-эксперты Г.Н.Абдрахманова, Апас гомуми белем бирү мәктәбе укытучылары һәм укучылары белән берлектә, Бөек Ватан сугышы ветеранының тол хатыны, тыл хезмәтчәне Абдрахманова Мәрзия Шәфыйгулла кызы янына бардылар. Мәрзия Шәфыйгулла кызы агымдагы елның апрелендә үзенең 97 яшьлек юбилеен билгеләп үтәчәк.

2020 елның 27 нче февралендә Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасы дәүләт һәм муниципаль хезмәтләр порталының "Халык контроле" дәүләт мәгълүмат системасына килгән гражданин мөрәҗәгате буенча уздырылган административ тикшерү кысаларында Алексеевск районының Юеш Көрнәле авылындагы кибеткә юл тотты.

Визуаль карау вакытында сәүдә объектының стационар булмаган билгеләре ачыкланды: инженерлык коммуникацияләре юк, бина җир участогына ныклап торып беркетелмәгән вакытлыча конструкциядән гыйбарәт. Әлеге сәүдә объектында алкогольле продукция, шул исәптән сыра сатылмый, дигән мәгълүмат та юк.

Татарстан Республикасы Дәүләт алкоголь инспекциясенең Арча территориаль органы хезмәткәрләре өчен "Дәүләт хезмәткәрләренең коррупциягә каршы үз-үзен тоту психологиясе турында" дигән темага дәрес булды. Чараны Г.Тукай исемендәге Арча педагогика көллияте педагог-психологы Ильвира Латыйпова үткәрде.

ТР Дәүләт алкоголь инспекциясенең Чаллы территориаль органы хезмәткәрләре 2020 елның 27 нче февралендә "Арзан" сәүдә үзәгендә җирле эшкуарлар һәм кулланучылар өчен профилактик чара, консультация өстәле уздырды һәм кизү торды. Биредә кулланучыларның һәм эшкуарларның хокукларын бозуга кагылышлы мәсьәләләр каралды. Фикер алышуларда иң күп сораулар тиешле товарларны кире кайтару һәм алыштыру, шулай ук яраксызга чыгарылган товар өчен акчаны кире кайтару срокларын бозуга кагылышлы иде.

Татарстан Республикасы Дәүләт алкоголь инспекциясенең Чистай территориаль органына А. исемле гражданка кулланучы таләпләрен үтәүдән баш тарткан сатучыга карата шикаять белдереп мөрәҗәгать итте. Ачыкланганча, 2018 елның 1 нче декабрендә гражданка кибеттә газ белән су җылыта торган 6700 сумлык "Roda" җайланмасын сатып алган. Товарның гарантия срогы 24 ай тәшкил итә. Әмма 2020 елның гыйнварында товарда җитди җитешсезлекләр ачыкланган, ә атап әйткәндә: бик озак та эшләмичә колонка сүнә башлаган һәм озак вакыт дәвамында кабынмаган. Товарда җитешсезлекләр гарантия срогы дәвамында барлыкка килгәнгә күрә, сатып алучы кимчелекләре булган товарны алыштыру турында таләп иткән. Әмма сатучы товарны алыштырудан баш тарткан, ул моны товарның техник яктан катлаулы булуы белән аңлаткан һәм андый очракта, сатып алганнан соң 15 көн узгач, бары тик гарантия ремонты гына булырга мөмкин, дигән.

"Этил спиртын, алкогольле һәм спиртлы продукцияне законсыз җитештерүне һәм (яки) әйләнештә йөртүне кисәтү чараларын гамәлгә ашыру турында" 2015 елның 28 сентябрендәге 1027 номеры РФ Хөкүмәте карары һәм продукцияне алып чыгу һәм юк итүгә кабул итү кирәклеге буенча тиешле гаризалар нигезендә ТР Дәүләт алкоголь инспекциясенең Чаллы территориаль органы хезмәткәрләре 890 литр күләмендә алкогольле һәм спиртлы продукцияне Росспиртпром вәкилләренә тапшырды.

ТР Дәүләт алкоголь инспекциясенең Түбән Кама территориаль органы хезмәткәрләре, ТР Дәүләт алкоголь инспекциясенең оператив муниципальара контрольлек бүлеге хезмәткәрләре белән берлектә, Түбән Кама кибетләренең берсендә законсыз рәвештә хәмер сатылу очрагын ачыклады. Халыктан килгән күпсанлы шикаятьләр белгечләр өчен тикшерү белән урынга чыгарга җирлек булды. Җиңүнең 30 еллыгы урамында урнашкан сәүдә ноктасында лицензиясез генә алкогольле эчемлекләр сатылып яткан, өстәвенә, хезмәткәрләр киштә астыннан "фанфурик"ларны да табып алды. Янәшәдә генә, сәүдә объектында, "Аяк киемнәрен төзәтү" дигән язу астында белгечләр шулай ук хокук бозу очрагына тап булды – биредә законсыз рәвештә спиртлы сыекча белән сату иткәннәр.

2020 елның 27 февралендә Татарстан Республикасы Дәүләт алкоголь инспекциясенең Казан территориаль органы хезмәткәрләре кабат "Казан ярминкәсе" күргәзмәләр үзәгендә булды.

Исегезгә төшерәбез, 2020 елның 26 февраленнән 1 мартына кадәр биредә балык тоту, ау һәм актив ял өчен "Балыкчы. Аучы" дигән 14 нче махсуслаштырылган күргәзмә-товарлар ярминкәсе үткәрелә.

Бүген Татарстан Республикасы Дәүләт алкоголь инспекциясендә җитәкче Җәүдәт Әхмәтханов рәислегендә структур бүлекчәләр башлыклары белән чираттагы киңәшмә узды. Киңәшмә башында ТР Дәүләт алкоголь инспекциясе җитәкчесе Җәүдәт Әхмәтханов хакимият органы ветераннары Әсхәт Сәлахиевка һәм Людмила Певневага ТАССР төзелүнең 100 еллыгы уңаеннан истәлекле билгеләр тапшырды.