ЯҢАЛЫКЛАР
2020 елның 16-17 март көннәрендә Татарстан Республикасы Дәүләт алкоголь инспекциясенең Түбән Кама территориаль органында Россия Федерациясе Хөкүмәтенең «Этил спиртын, алкогольле һәм спиртлы продукцияне законсыз җитештерүне һәм (яисә) әйләнешен чикләү чараларын гамәлгә ашыру турында» 2015 елның 28 сентябрендәге 1027 номерлы карары һәм продукцияне юкка чыгару зарурлыгы турындагы гаризалар нигезендә конфискацияләнгән яки законсыз әйләнештән алынган этил спиртын, законлы көченә кергән суд карарлары буенча стандартларның зарури таләпләренә, санитар кагыйдәләргә һәм гигиена нормативларына туры килми торган алкогольле һәм спиртлы продукцияне «Росспиртпром» ААҖ вәкилләренә тапшыру чарасы узды. Барлыгы 2315,76 литр тапшырылды
Татарстан Республикасының Минзәлә шәһәрендә, Бөтендөнья кулланучылар хокукларын яклау көне уңаеннан чаралар үткәрү кысаларында, ТР Дәүләт алкоголь инспекциясе Чаллы территориаль органы контроль-инспекция бүлегенең әйдәп баручы белгеч-эксперты, хезмәткәрләр өчен укулар үткәрелде һәм шәхси эшкуар Л.И. Дәүләтшинаның ваклап кием-салым сатыла торган «XL» кибетендә кулланучылар өчен консультацияләр үткәрелде. Чараның төп юнәлеше – сатучыларга кулланучыларның хокукларын яклау турындагы закон нормаларын җиткерү.
Халыкның ихтыяҗларын канәгатьләндерә торган сәнәгать товарларын, азык-төлек продуктларын алга этәрүдә кибетләр, сәүдә үзәкләре аеруча зур әһәмияткә ия. Болар – икмәк-күмәч эшләнмәләре, сөт продуктлары, көнкүреш товарлары, балалар өчен товарлар. Мөслим муниципаль районында бүгенге көндә сәүдә объектларында нинди вәзгыять соң? Кибетләрдә хезмәт күрсәтү сыйфаты нинди? Моны ачыклау өчен Түбән Кама территориаль органы хезмәткәре Елизавета Низамова һәм район хәбәрчесе Лилия Шәймиева район үзәге кибетләренә рейд белән чыкты.
Бөтендөнья кулланучылар хокукларын яклау көне уңаеннан Чаллы территориаль органы белгечләре Актаныш муниципаль районы Башкарма комитетының икътисад бүлеге хезмәткәрләре белән очрашу оештырды.
Бөтендөнья кулланучылар хокукларын яклау көне ел саен, 15 нче март көнне уздырыла.
«Рациональ кулланучы» девизы белән уза торган Бөтендөнья кулланучылар хокукларын яклау көне уңаеннан, 2020 елның 16 мартында Татарстан Республикасы Дәүләт алкоголь инспекциясенең Казан территориаль органы хезмәткәрләре, Роспотребнадзорның Татарстан Республикасындагы идарәсе хезмәткәрләре белән берлектә, Казан шәһәре, Авангард урамы буенча 74 нче йортта урнашкан Татарстан Республикасында дәүләт һәм муниципаль хезмәтләр күрсәтүнең күпфункцияле үзәге территориясендәге консультация пунктында гражданнарны кабул итте.
Татарстан Республикасы Дәүләт алкоголь инспекциясенең Казан территориаль органы хезмәткәре Гөлфия Чурсина балаларга, мөмкинлекләре чикләнгән һәм аз тәэмин ителгән затларга ярдәм итүче «Игелекле эшләр көне» хәйрия фондына килүчеләр һәм ярдәмчеләр белән очрашу үткәрде.
Татарстан Республикасы Дәүләт алкоголь инспекциясенең Баулы районы буенча Әлмәт территориаль органы хезмәткәре Кадрия Галиева, Баулы муниципаль районының икътисад һәм территориаль үсеш бүлеге белгече Низамова Индира белән берлектә, кулланучыларның хокукларын яклау буенча чаралар комплексы үткәрде.
Аквапарк – ул чиксез тропик җәй, мавыктыргыч су таулары, кызыклы аттракционнар, җылытыла торган бассейннар, SPA-зона һәм уңай эмоцияләр.
Елдан-ел күбрәк кеше әлеге уникаль ял итү урынын үз итә, чөнки биредә ел фасылын кирегә борып, янәдән кызу җәйне кайтарырга мөмкин, хәтта тышта салкын кыш булса да.
Татарстан Республикасы Дәүләт алкоголь инспекциясенең Казан территориаль органы халык арасында «Аквапарк хезмәтләре» темасына анкета уздырды.
Анда 105 кеше катнашкан.
Бөтендөнья кулланучылар хокукларын яклау көненә багышланган чаралар кысаларында, 2020 елның 13 нче мартында «Спасский оптторг» җитештерү берләшмәсенең «Кулинария» кибетендә он һәм кондитер әйберләре күргәзмә-презентациясе үткәрелде. Күргәзмәдә 20дән артык төрдәге продукция тәкъдим ителгән иде: гөбәдия, өчпочмак, лимон пирогы, кәбестәле пирог, күрәгәле пирог, кара җимеш һәм күрәгә белән катлы пирог, каймак пирогы, камыр эчендәге сосиска, чәк-чәк, төрле пәрәмәчләр, шулай ук өй токмачы.
ТР Дәүләт алкоголь инспекциясенең Арча территориаль органы башлыгы Булат Кадыйров һәм ТР Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Рәфина Галиәхмәтова тарафыннан, Бөтендөнья кулланучылар хокукларын яклау көне уңаеннан чаралар үткәрү кысаларында, азык-төлек товарларын ваклап сату эшчәнлеге алып барыла торган Г.Г. Гыйльмуллина кибетендә сатучылар өчен укулар үткәрелде.