ЯҢАЛЫКЛАР

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Әлмәт районы буенча бүлегеннән, Әлмәт шәһәрендә урнашкан фирма кибетендә алкогольле продукция әйләнеше өлкәсендә дәүләт исәбен бозу фактына юл куйган шәхси эшмәкәр Т.га карата материал алынды.

Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре тарафыннан 2021 елның 12 июлендә, ТР, Яр Чаллы шәһәре, 53/27В йорт адресы буенча урнашкан «Ашамлыклар» кибетендә контроль чаралары үткәрү барышында алкогольле продукцияне сату вакытын закон нигезендә чикләү чорында сыраны ваклап сату факты ачыкланды.

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Азнакай районы буенча бүлегеннән материал алынды. Оператив-эзләү чаралары барышында полиция хезмәткәрләре Азнакай урамнарының берсендә Бөгелмә шәһәренең шәхси эшмәкәре булган «Хендай» маркалы автомобильне туктатты һәм тикшерде. Багажникта федераль махсус маркалар белән маркировкаланмаган һәм пластик шешәләргә тутырылган ундүрт берәмлек алкогольле продукция ачыкланган. Шешәләр 0,5 литрдан 1,5 литрга кадәр, гомуми литры 11,63 литрга кадәр төрле савытлар булган.

Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре, гражданинның «Халык контроле» системасы аша мөрәҗәгате буенча, контроль чаралар барышында, Түбән Кама сәүдә нокталарының берсендә кабат спиртлы сыеклык сату фактын ачыклады. Сатучы башка «1000 вак-төяк» арасында фанфуриклар сата. 

Җылы һава торышы башлану белән төнге сәгатьләрдә алкогольле продукция сату турында шикаятьләр саны артты. «Татарстан Республикасы территориясендә алкогольле продукцияне ваклап сату вакытына, шартларына һәм урыннарына өстәмә чикләүләр турында» 2015 елның 6 мартындагы 10-ТРЗ номерлы Татарстан Республикасы Законы белән билгеләнгән 22.00 сәгатьтән иртәнге 10.00 сәгатькә кадәр алкогольле продукцияне сатуны тыю турындагы нормалар эшмәкәрләр тарафыннан даими рәвештә бозыла. 

Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре Түбән Кама шәһәрендәге кибетләр челтәренең берсендә алкогольле продукцияне ваклап сату закон нигезендә тыелган вакытта, ягъни иртәнге 10га кадәр, сыра сату факты ачыклады. 

Әгерҗе шәһәрендә полиция бүлеге белән алкогольле продукциянең законсыз әйләнешен ачыклау һәм булдырмау буенча уртак чаралар үткәрелде. Әйтик, 2021 елның 18 мартында 9 сәгать 30 минутта Гоголь урамы, 5ж адресы буенча урнашкан «Арбат» кибетендә ваклап сату вакытын чикләү чорында алкогольле продукцияне сату факты билгеләнде. 

Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре 10.03.2021 елда, Яшел Үзән районы территориясендә урнашкан сәүдә объектларын тикшерү барышында яраклылык вакыты чыккан алкогольле продукцияне сату, алкогольле продукцияне исәпкә алу тәртибен (БДАМС) бозу очраклары ачыклады. 18,31 л. алкогольле продукция тартып алынды, административ эшләр «Халык контроле» Татарстан Республикасы Дәүләт мәгълүмат системасына кергән гаризалар буенча кузгатылды, аларның авторларына акчалата бүләк биреләчәк.

Россия Эчке эшләр министрлыгының Мөслим районы буенча бүлеге хезмәткәрләре, Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре белән берлектә, оператив-эзләү чаралары кысаларында, Мөслим районы Иске Чакмак һәм Үрәзмәт авылларында спиртлы продукцияне махсус рөхсәтсез сату фактларын ачыклады.

Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре 03.03.20021. көнне Яшел Үзән районы территориясендә ике кибетне карау барышында яраклылык вакыты чыккан, товар озату документларыннан башка гына алкогольле продукция сату, исәпкә алу тәртибен (БДАМС) бозу очракларын ачыклады. Барлыгы 40,35 л күләмендә алкогольле продукция хуҗасыннан алынды. Гаепле затлар административ җаваплылыкка тартылачак.