ЯҢАЛЫКЛАР
2023 елның 08 февралендә Татарстан Республикасы Дәүләт алкоголь инспекциясенең Арча территориаль органы хезмәткәре Теләче районы КФҮ ДБУ филиалында консультация пунктында кабул итү үткәрде.
Чара барышында кулланучылар законнары нигезләре, дәгъва бирү тәртибе һәм аларны карау сроклары, сыйфатсыз товар өчен акчаны кире кайтару, эшләрне башкару (хезмәтләр күрсәтү) сроклары бозылган очракта гамәлләр тәртибе һ. б. аңлатылды.
Татарстан Республикасы Дәүләт алкоголь инспекциясенең Түбән Кама территориаль органының контроль-инспекция бүлегенең әйдәп баручы белгеч-эксперты Кадрия Вәгыйзова, Сарман районы Башкарма комитеты белгече Айгөл Абдулова белән берлектә, кулланучылар хокукларын яклау өлкәсендәге законнарны үтәү мәсьәләләре буенча Кулланучылар хокукларын бозуны булдырмау һәм кисәтү максатыннан, аяк киемнәре белән сәүдә итүче Сарман авылының «Мини базар» сәүдә объектында өйрәтү очрашуы уздырды.
2023 елның 07 февралендә Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге башлыгы Ләйсән Абдуллина Татарстан Республикасы Арча районы Курса-Почмак урта мәктәбенең 8-10 сыйныф укучылары белән сыйныфтан тыш дәрес үткәрде. Дәрес товарлар һәм хезмәтләр сыйфаты проблемаларына җәмгыять игътибарын җәлеп итүгә багышланган иде. Кулланучы, теләсә кайсы яшьтә үзен төрле ситуацияләрдә яклый белергә тиеш, ә моның өчен дәүләт тарафыннан бирелгән хокукларны белергә кирәк. «Кулланучылар хокукларын яклау турында» Россия Федерациясе Законы кулланучылар хокукларын яклау өлкәсендә агарту хокукын гарантияли.
Татарстан Республикасы Дәүләт алкоголь инспекциясенең Казан территориаль органының эчке базарны үстерү һәм координацияләү бүлеге башлыгы Марсель Шаһидуллин бүлекнең 2022 елдагы эшенә йомгак ясауга багышланган киңәшмә үткәрде.
Мониторинг үткәрү һәм бәяләр үзгәрү динамикасы турында әйдәп баручы белгеч- эксперт Лилия Шәңгәрәева чыгыш ясады. Мониторинг - мәгълүмат җыю һәм анализлау өчен өзлексез, методик процесс. Бу юнәлештә аларның сыйфатлы үткәрелүе һәм базар конъектурасының үзгәрешләре турында Татарстан Республикасы Дәүләт алкоголь инспекциясе аппараты вәкилләренә тиз арада җиткерелүе билгеләп үтелде.
Яшел Үзән территориаль органы хезмәткәре Ульяновск кешесенә карата маркировкаланмаган алкоголь продукциясен законсыз күчерү факты буенча эш кузгатты. Хокук бозучының автомобилен тикшерү барышында Тәтеш районы буенча Эчке эшләр министрлыгы хезмәткәрләре алкоголь продукциясен законсыз ташу фактын ачыклаган. Легаль булмаган әйләнештән 18 литр алкоголь алынган.
Татарстан Республикасы Дәүләт алкоголь инспекциясенең Әлмәт территориаль органы хезмәткәре Наталья Платонова Лениногорск шәһәренең 5 нче мәктәбенең 9а сыйныфы укучылары өчен финанс белеме дәресе үткәрде.
Чара вакытында финанс грамоталылыгы кирәклеге турында сөйләделәр.
Алексеевск район мәдәният йортында Татарстан мөселманнары Диния нәзарәте аксакаллары Советы киңәшмәсе узды, аның кысаларында хәләл ысул белән әзерләнгән азык-төлеккә күргәзмә-дегустация уздырылды.
«Хәләл» билгесе булган продуктлар елдан-ел популярлаша бара. Аларны хәзер мөселманнар гына түгел, гади сатып алучылар да сайлый.
Татарстан Республикасы Дәүләт алкоголь инспекциясенең Түбән Кама территориаль органы хезмәткәре, ТР буенча Роспотребнадзор идарәсенең Әлмәт, Зәй, Лениногорск районнарындагы белгече белән берлектә, Зәй муниципаль районының Аксар төп гомуми белем бирү мәктәбендә «Кулланучылар белеме. Кулланучы хокуклары» дигән темага укучылар белән семинар уздырдылар. Чара барышында түбәндәге бурычлар хәл ителде: укучыларны «закон», «хокук», «бурычлар» төшенчәләре, РФ Гражданнар кодексы белән таныштыру; укучыларның кулланучының төп хокуклары һәм бурычлары турында белемнәрен гомумиләштерү; сатып алучының да, сатучының да, җитештерүченең дә җаваплылыгына игътибар итү.
Россия Эчке эшләр министрлыгының Лениногорск районы буенча бүлеге хезмәткәрләре шәһәрнең бер барында тиешле кагыйдәләрне бозып алкогольле продукция сату фактын ачыклады, аерым алганда: 30 литр җиләк - җимеш сидры «Пина Колада», 30 литр «Ореховый эль», 30 литр «Голубая лагуна», 30 литр «Шампань» тиешле документлардан башка сатылган. 120,0 литр күләмендә барлык алкогольле продукция сатудан алынды.
2023 елның 06 февралендә Арча шәһәре Башкарма комитетының административ бинасында Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге җитәкчесе Ләйсән Абдуллина халыкка кулланучылар хокукларын яклау мәсьәләләре буенча аңлату чарасы үткәрде. Әлеге чара район халкының куллану грамоталылыгын һәм үз-үзен яклау дәрәҗәсен күтәрүгә юнәлдерелгән иде.