ЯҢАЛЫКЛАР

2018 елның 25 июлендә ТР Дәүләт алкоголь инспекциясе хезмәткәрләре ТР Эчке эшләр министрлыгының Икътисадый җинаятьчелеккә каршы көрәш идарәсе хезмәткәрләре белән берлектә тикшерү чаралары үткәрү барышында «Державинская пивоварня» дигән сыраны агызып сату кибетендә (түбәндәге адрес буенча урнашкан: Лаеш районы, Сокуры ав., Державин ур., 4 й.) җитештерү һәм әйләнештә йөртелүенең легальлеген раслардай озату документларыннан, туры килү декларациясеннән башка гына, ЕГАИСта мәгълүматлар күрсәтмичә генә сыра продукциясен ваклап сату фактын билгеләгән иде. Нәтиҗәдә барлыгы 990 литр күләмендә сыра һәм сыра эчемлекләре законсыз әйләнештән алынды

Инвалидларның һәм мобильлеге аз булган халык төркемнәренең, башка гражданнар белән беррәттән, җәмгыять тормышында катнашуы өчен мөһим шарт булып тормыш эшчәнлеге өчен уңайлы мохит тудыру тора. Шуны истә тотып, Әлмәт территориаль органы хезмәткәрләре, организмы функцияләренең какшавын исәпкә алып, инвалидлар өчен уңайлы формада төрле чаралар, аңлату эше үткәреп килә

2018 елның 26 октябрендә «Sunrise City» сәүдә үзәгендә җирле эшмәкәрләр һәм кулланучылар өчен профилактика чарасы, консультация өстәле үткәрелде. Анда кулланучылар һәм эшмәкәрләр хокукларын бозуга кагылышлы мәсьәләләр каралды

Салкыннар башланды. Димәк, кышкы аяк киеме сатыр алырга вакыт, дигән сүз. Шуны истә тотып, Чаллы территориаль органының кулланучылар хокукларын яклау бүлеге белгечләре «Рандеву» аяк киемнәре кибете хезмәткәрләре өчен “Кулланучылар хокукларын яклау турында” Законның төп статьяларын аңлату йөзеннән чара уздырды.  Очрашу барышында куллану базары өлкәсендәге күп кенә мәсьәләләр һәм хәлләр каралды. Сатучы-консультантлар, үз чиратында, кышкы аяк киеме сатып алганда нәрсәләргә игътибар итәргә кирәклеген аңлатты

«Кулланучылар хокукларын яклау» дигән темага үткәрелеп килүче республика олимпиадасының ике турына йомгак ясалды. Алабуга, Мамадыш, Менделеев, Чаллы шәһәрләре һәм Актаныш авылы урта гомуми белем бирү мәктәпләреннән ундүрт укучы өченче турга уңышлы үтте. Хәзерге вакытта 3 нче турда катнашачак егет-кызлар белән индивидуаль эш алып барыла. Бүген Актаныш авылыннан ике конкурсант, олимпиадага ныграк әзерләнү өчен, үзләре үк Чаллы территориаль органына килде. Болар –  игезәк малайлар Данир һәм Дамир Нуртдиновлар

Бүген медицина хезмәтенең сыйфатсыз булып чыгуы – сирәк күренеш түгел. Әмма без һәрвакыт яхшыга өметләнәбез. Әйтик, теш табибы бүлмәсендә теш “үстерү” процедурасыннан соң алга таба күңелсезлекләр, борчу-мәшәкатьләр килеп чыгасын башыбызга да китермибез

21 октябрь көнне Чаллы шәһәрендә “Чаллы икмәге” кибете территориясендә өч колбаса ризыгы үрнәгенә кулланучылар дегустациясе булып узды. Дегустация Кунгур ит комбинатында «Село Зеленое» дигән сәүдә маркасы белән җитештерелә торган колбаса ризыкларының сыйфатын бәяләү максатыннан үткәрелде. Татарстан Республикасы Дәүләт алкоголь инспекциясенең Чаллы территориаль органы белгечләре исә мониторинг һәм кулланучылар арасында сорашып-белешү уздырды. Сорашып-белешүдә 50дән артыграк респондент катнашты

2018 елның 25 октябрендә Арча муниципаль районының этил спирты, алкогольле һәм спиртлы продукциянең законсыз әйләнешен кисәтү һәм мондый очракларны булдырмый калу буенча ведомствоара комиссиянең чираттагы утырышы булып узды

“Кулланучылар хокукларын яклау” темасы буенча олимпиада республикабызда инде менә алтынчы тапкыр уздырыла.  Олимпиадада катнашырга теләүчеләр саны елдан-ел ишәя. 2013 елда анда – 500, 2014 елда – 800гә якын, 2015 елда –1800,  2016 елда – инде 2400,  2017 елда – чама белән 4000 укучы катнашса, быел бөтен республика күләмендә һәр шәһәр һәм муниципаль районнан  6285 бала олимпиадада үз көчен сынап карарга теләк белдерде. Бу әлеге юнәлешкә карата кызыксынуның көчәүе, үсеп килүче буынның активрак була баруы турында сөйли

Татарстан Республикасы Дәүләт алкоголь инспекциясенең Чистай территориаль органына Россия Эчке эшләр министрлыгының Чистай районы буенча бүлегеннән легаль булмаган хәмер продукциясен ташу факты буенча тикшерү материалы карап тикшерү һәм тиешле карар кабул итүгә алынды