ЯҢАЛЫКЛАР
Кулланучы товардан аның хезмәт итү срогы дәвамында тулы дәрәҗәсендә файдаланырга тиеш, моның өчен җитештерүче шушы вакыт эчендә товарга ремонт ясарга һәм техник хезмәт күрсәтергә, шулай ук ремонтлау һәм техник хезмәт күрсәтү өчен кирәкле күләмдә һәм ассортиментта запас өлешләр чыгарырга һәм сәүдә һәм ремонт оешмаларын тәэмин итәргә тиеш.
2019 елның 26 июнендә Тәтеш районы эшкуарлары Татарстан Республикасы Эшкуарлыкка ярдәм итү фонды тарафыннан Тәтеш районында оештырылган бушлай белем бирү семинарында катнашты. Семинарның инициаторлары – республиканың Икътисад министрлыгы, ТР Эшкуарлыкка ярдәм итү фонды вәкилләре, ТР Президенты каршындагы Эшкуарлар хокукларын яклау буенча вәкаләтле вәкил, ТР буенча Федераль салым хезмәте идарәсе, ТР Дәүләт заказы һәм инвестицияләр агентлыгы вәкилләре, югары уку йортлары укытучылары семинарда катнашучыларга практик белемнәр һәм компетенцияләр дәрәҗәсен күтәрергә ярдәм итте.
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре 2019 елның 26 июнендә "Эссен" сәүдә үзәгендә "Оптовик" ҖЧҖ җирле производство продукциясенә дегустация оештыруда катнашты.
Актаныш районында кулланучылар кулланучыларның хокукларын яклау өлкәсендәге белемнәрен камилләштерде. Чаллы территориаль органы контроль-инспекция бүлегенең әйдәп баручы белгече тарафыннан "Агроторг" ҖЧҖ "Пятерочка" кибетендә чара үткәрелде, аның төп максаты – район халкына законнар коллизияләрен аңларга ярдәм итү, аларның хокукый грамоталылыгын күтәрү.
2019 елның 26 июнендә Менделеев муниципаль районы башлыгы урынбасары Альберт Саттаров рәислегендә Алкоголь базарындагы вәзгыятьне җайга салу буенча координация советы утырышы узды.
2019 елның 26 июнендә Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Әтнә муниципаль районының Комыргуҗа авылында гражданнарны кабул итте. Кабул итүгә якын-тирә торак пунктлардан гражданнар килде.
Чара барышында кимчелекләре булган товарларны, тиешле сыйфаттагы товарларны (парфюмерия-косметика һәм бизәкләү материалларын) кире кайтару, сыйфатсыз хезмәт күрсәтү һәм күчемсез милек белән алыш-биреш ясау мәсьәләләре каралды.
2019 елның 24-26 июнь көннәрендә Татарстан Республикасы Дәүләт алкоголь инспекциясенең Түбән Кама территориаль органында "Ээтил спиртын, алкогольле һәм спиртлы продукцияне законсыз җитештерүне һәм (яки) әйләнештә йөртүне кисәтү чараларын гамәлгә ашыру турында" 2015 елның 28 сентябрендәге 1027 номерлы РФ Хөкүмәте карары һәм продукцияне юкка чыгару кирәклеге турындагы гаризалар нигезендә конфискацияләнгән яки законлы көченә кергән суд карарлары буенча законсыз әйләнештән алынган, стандартларның, санитар кагыйдәләрнең һәм гигиена нормативларының таләпләренә җавап бирми торган этил спиртын, алкогольле һәм спиртлы продукцияне "Росприртпром" ААҖ вәкилләренә тапшыру чарасы булды. Барлыгы 2846,6 литр күләмендә алкогольле продукция тапшырылды, шуның 708,2 литры – спиртлы продукция һәм 2138,4 литры – алкогольле продукция (сыра).
Вакытлыча чыгымнарны киметү, шулай ук гражданнар өчен уңайлылыкларны арттыру максатларында кулланучыларның хокукларын яклау мәсьәләләре буенча консультацияләр шулай ук дәүләт һәм муниципаль хезмәтләр күрсәтүче күпфункцияле үзәктә дә алып барыла, түбәндәге адрес буенча: Арча шәһәре, Галактионов урамы, 27 йорт.
РФ Эчке эшләр министрлыгының Лениногорск районы бүлегеннән алынган материал нигезендә Лениногорск районы, Вәли хуторы авылындагы шәхси гаражларының берсендә әйләнеш, ә атап әйткәндә махсус федераль маркалар белән маркировкаланмаган алкогольле һәм спиртлы продукцияне саклау факты ачыкланды, болар: