ЯҢАЛЫКЛАР
2023 елның апрелендә Россия Эчке эшләр министрлыгының Яр Чаллы шәһәре буенча идарәсе ЭЭБ һәм ПК хезмәткәрләре Татарстан Республикасы Дәүләт алкоголь инспекциясе хезмәткәрләре ярдәмендә Яр Чаллы шәһәренең ЗЯБ бистәсендә «тикшерү максатларында сатып алу» чарасын үткәрү барышында гражданка Р.ның тиешле документларсыз алкоголь продукциясен сату факты ачыкланды. Автомашинаны карау барышында төрле атамада 342 литр алкоголь продукциясе тартып алынган.
Профилактик визит - Татарстан Республикасы Дәүләт алкоголь инспекциясе вазыйфаи заты (инспекторы) тарафыннан контрольдә тотылган затның эшчәнлеген гамәлгә ашыру урыны буенча профилактик әңгәмә формасында яки видео-конференц-элемтәне куллану юлы белән үткәрелә торган профилактик чара. Профилактик визит үткәрү тәртибе һәм вакыты 248-ФЗ номерлы Федераль законның 52 статьясында билгеләнгән.
2023 елның 16 маенда Татарстан Республикасы Дәүләт алкоголь инспекциясенең Әлмәт территориаль органы белгече Наталья Платонова Татарстан Республикасы буенча Роспотребнадзор идарәсенең Әлмәт территориаль бүлеге баш белгече Ләйсән Морадымова белән берлектә видеоконференция режимында «Долголетие «социаль ярдәм үзәге» автоном коммерцияле булмаган оешмасында Өлкән яшьтәге кешеләр өчен кулланучылар хокукларын яклау буенча лекция үткәрделәр. Чара өлкән яшьтәге гражданнарның һәм инвалидларның финанс белемен арттыру, өлкән яшьтәге кешеләр арасында мошенникларның гамәлләреннән саклану, шулай ук инвалидларның кулланучылар хокукларын яклау декадасы кысаларында уздырылды.
Яшь буынны кулланучылар базарында билгеле бер тәртип кагыйдәләре белән таныштырырга кирәк. Шул максаттан Арча муниципаль районының Наласа авыл китапханәсендә Арча районының «Наласа урта гомуми белем бирү мәктәбе» МББУ укучылары белән куллану белемнәрен арттыру буенча чара үткәрелде. Чараны Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина үткәрде. Чарада китапханәче Гөлчәчәк Сабирҗанова, тарих һәм җәмгыять белеме укытучысы Айгөл Хәсәнова катнашты.
2023 елның 18 маенда Татарстан Республикасы Дәүләт алкоголь инспекциясендә сыра базарында катнашучылар өчен «Оператор-ЦРПТ» ҖЧҖ, «Контур» СКБ һәм «Такском» компаниясе белгечләре катнашында вебинар узды.
17 майда Татарстан Республикасы Дәүләт алкоголь инспекциясенең Әлмәт территориаль органы хезмәткәре Ютазы районының Урыссу бистәсендә хуҗалык итүче субъектка карата профилактик визит үткәрде.
Профилактик визит - дәүләт контроле органы тарафыннан контрольдә тотылган затның эшчәнлеген гамәлгә ашыру урыны буенча яки видеоконференц-элемтәне куллану юлы белән әңгәмә формасында үткәрелә торган чара төре.
2023 елның 17 маенда Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Татарстан Республикасы Балык Бистәсе муниципаль районының Шумковка авыл җирлегендә халыкның куллану белемен арттыруга юнәлдерелгән гражданнарны шәхси кабул итү чарасын үткәрде.
Профилактик визит - күзәтчелек чараларының бер төре. Аның максаты - оешмада гамәлдәге законнарны бозуны кисәтү. Киләчәк визит турында дәүләт структурасы хезмәткәрләре биш эш көне эчендә алдан кисәтә. Билгеләнгән вакыт эчендә планлаштырылган визит турында хәбәр алгач, оешмага контроль орган хезмәткәре киләчәк.
Татарстан Республикасы Дәүләт алкоголь инспекциясенең Чистай территориаль органы белгече тарафыннан Татарстан Республикасы Алексеевск районы Алексеевск бистәсендә «Альбион 2002» ҖЧҖнең «Бристоль» кибете сатучылары өчен кулланучылар хокукларын яклау мәсьәләләре буенча укыту семинары үткәрелде.
Чараның төп максаты - кулланучылар базарында хуҗалык итүче субъектларның хокукый грамоталылыгын һәм социаль җаваплылыгын арттыруга юнәлдерелгән кулланучылар хокукларын яклау турындагы закон нормаларын сатучыларга җиткерү.