ЯҢАЛЫКЛАР
Бүген Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре Казан федераль университетында коррупциягә каршы тору өлкәсендә тәҗрибә уртаклашу буенча семинар үткәрде. Анда сәүдә эшен әзерләү юнәлешенең 2 нче курс студентлары, шулай ук югары уку йортының профессорлар-укытучылар составы вәкилләре катнашты.
Россия Эчке эшләр министрлыгының Мөслим районы буенча бүлеге хезмәткәрләре, Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре белән берлектә, оператив-эзләү чаралары кысаларында, Мөслим районы Иске Чакмак һәм Үрәзмәт авылларында спиртлы продукцияне махсус рөхсәтсез сату фактларын ачыклады.
Бөтендөнья кулланучылар хокукларын яклау көне 1983 елдан башлап ел саен 15 мартта үткәрелә, ә 1994 елдан башлап Россия Федерациясендә дә киң билгеләп үтелә.
Аның тематикасын, традиция буенча, Халыкара кулланучылар оешмалары Федерациясе (Consumers International - CI) билгели һәм 2021 елда ул «Tackling Plastic Pollution» - «Пластик материаллар белән пычрануга каршы көрәш» шигаре астында уза.
Халыкара кулланучылар оешмасы (CI) 2021 елда Бөтендөнья кулланучылар хокукларын яклау көненең девизы - «Пластик материаллар белән пычрануга каршы көрәш» («Tackling Plastic Pollution») дип игълан итте.
Пластик пычрануга каршы көрәш - ул координацияләнгән халыкара карарлар таләп итә торган глобаль проблема. Бу елның темасы бөтен дөньяда кулланучыларны товарлар сатып алганда экологик яктан тагын да нәтиҗәлерәк карарлар кабул итүгә һәм алга этәрүгә җәлеп итү һәм хәбәрдарлыкны арттыруга ярдәм итәчәк.
Татарстан Республикасы Дәүләт алкоголь инспекциясенең Казан территориаль органы 2021 елның 1 мартыннан 5 мартына кадәр анкеталау үткәрде.
Әлеге анкета Россия Федерациясе Президенты тарафыннан игълан ителгән «Мәгълүмати системалар һәм технологияләр» елына, шулай ук Бөтендөнья кулланучылар хокукларын яклау көненә туры китерелгән.
2021 елның 3-6 мартында Яр Чаллы шәһәренең «ЭКСПО-КАМА» күргәзмә үзәгендә «Строй - экспо - Татарстан - 2021» дип исемләнгән махсуслаштырылган күргәзмә эшләде.
Күргәзмәдә җирле, чит ил җитештерүчеләре һәм дилерлар катнашты. Шәһәр халкы һәм кунаклары өчен кухня экспонатлары, дивар панельләре, полимер композиттан идән капламнары, җиһаз, келәмнәр, каминнар, баскычлар, вазалар тәкъдим ителә.
Ел дәвамында, районнарда традицион авыл хуҗалыгы ярминкәләре үткәрелә. Халыкара хатын-кызлар көне алдыннан шундый ярминкәләрнең берсе Минзәлә шәһәрендә узды. Авыл җирлекләре, шәхси ярдәмче хуҗалыклар, фермерлар, кибетләр һәм шәхси эшмәкәрләр үз продукцияләрен һәм эшләнмәләрен ярминкәдә тәкъдим иттеләр. Сатып алучыларга итнең киң ассортименты тәкъдим ителде: сыер ите, сарык, кош-корт ите; сөт продуктлары; бал; бәрәңге, кишер, чөгендер һәм башка авыл хуҗалыгы продукциясе дә күп иде.
Хөрмәтле гүзәл затларыбыз! Кадерле хезмәттәшләр!
Татарстан Республикасы Дәүләт алкоголь инспекциясенең ир-атлар коллективы исеменнән һәм шәхсән үз исемемнән сезне Халыкара хатын-кызлар көне белән котлыйм! Сезнең матур елмаюларыгыз соры көннәрне яктырта, бизи. Бездә иң матур, иң зирәк, иң оптимистик хатын-кызлар эшләве белән горурланабыз.
Бәхетле, сәламәт һәм һәрвакыт яшь булып калуыгызны телибез! Эштә дә, тормышта да кыенлыклар мөмкин кадәр азрак булсын иде!
Ихтирам белән, Татарстан Республикасы Дәүләт алкоголь инспекциясе җитәкчесе Җәүдәт Әхмәтханов.
Планетаның пластик калдыклар белән пычрануы катастрофик масштабларга ия. Пластик чүп-чар күбесенчә кешенең җитештерү һәм хуҗалык-көнкүреш эшчәнлеге нәтиҗәсендә барлыкка килә. Чүп-чарның төп өлеше - өлешчә таркала торган төрү материаллары һәм целлофан пакетлар, ул полимерлар җитештерү буенча дөнья күләменең өчтән бер өлешен тәшкил итә.
Татар шагыйре Габдулла Тукайның тууына 135 ел тулу уңаеннан, Казан территориаль органы хезмәткәрләренең балалары «татар шагыйре Г.Тукай әсәрләре буенча»дигән балалар рәсемнәре һәм кул эшләнмәләре конкурсында катнаштылар. Конкурсны Татарстан Республикасы Дәүләт алкоголь инспекциясе үткәрә.