ЯҢАЛЫКЛАР
Баулы муниципаль районы Башкарма комитетының утырышлар залында Этил спирты һәм алкогольле продукциянең законсыз әйләнешен кисәтү һәм чикләү буенча ведомствоара комиссия утырышы булды.
2020 елның 2 ай йомгаклары буенча Баулы муниципаль районының хәмер базарындагы хәл турында Татарстан Республикасы Дәүләт алкоголь инспекциясенең Әлмәт территориаль органы башлыгы Миләүшә Михеева хәбәр итте. Ул Татарстан Республикасы территориясендә «кега» транспорт савытында китертелә торган сыра һәм сыра эчемлекләрен, сидр, пуарэ, медовуханы идентификацияләү чаралары белән маркалау, мондый продукция әйләнешен күзәтү эше турында да сөйләде.
2020 елның 19 нчы мартында ТР Дәүләт алкоголь инспекциясенең Чаллы территориаль органы белгечләре Чаллы шәһәре күпфункцияле үзәгендә, Роспотребнадзорның Татарстан идарәсе белгечләре һәм Чаллы шәһәренең икътисадый үсеш һәм эшкуарлыкка ярдәм идарәсе вәкиле белән берлектә, үзәккә килүчеләр өчен консультация өстәле үткәрде.
Ел саен, 15 нче мартта бөтен дөньяда Бөтендөнья кулланучылар хокукларын яклау көне билгеләп үтелә. Чаллы шәһәренең «Изгелек» инвалидларны тернәкләндерү үзәгендә әлеге датага багышланган чара узды.
ТР Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре, Роспотребнадзорның Татарстан идарәсе вәкилләре белән берлектә, әлеге үзәк карамагындагы затлар белән чара үткәрде.
2020 елның 18 нче мартында Әтнә районы КФҮ дәүләт бюджет учреждениесе филиалында ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина үзәккә килүчеләр өчен консультация бирде.
Чара кулланучыларның хокукларын яклау өлкәсендәге белемнәрне популярлаштыру һәм сеңдерү максатында, кулланучылар базарында низаглы хәлләр барлыкка килүдән саклау, ә алар барлыкка килгәндә мәсьәләне законнарга ярашлы итеп хәл итү максатында оештырылды.
ТР Дәүләт алкоголь инспекциясенең Казан территориаль органы хезмәткәрләре кулланучыларның хокукларын яклау көненә багышланган чаралар кысаларында «Тандем» сәүдә-күңел ачу комплексында (Казан шәһәре, Ибраһимов проспекты, 56) урнашкан «Сalzedonia» кибетендә семинар үткәрде. Кибет оекбаш-оек эшләнмәләре, шулай ук су коену һәм комлыкта кызыну өчен пляж киемнәре сата.
Продукция җитештерү һәм аны татып карау шартлары белән таныштыру, шулай ук «ТАССР төзелүнең 100 еллыгы» логотибы төшерелгән продукцияне күрсәтү максатларында «Түбән Кама икмәк комбинаты» АҖ тарафыннан Түбән Кама муниципаль районы сәүдә бүлеге, Мәктәпкәчә белем бирү идарәсе, Мәгариф идарәсе, Сәламәтлек саклау идарәсе, «АБК-Пэймент» ҖЧҖ (балалар бакчаларында һәм мәктәпләрдә туклануны оештыру белән шөгыльләнә) вәкилләре өчен киңәшмә уздырылды.
Законсыз сатуда булган сыраны ачыклау эше дәвам итә. 2020 елның 18 нче мартында Менделеевск районындагы авыл кибетләренең берсендә алкогольле продукцияне әйләнештә йөртү һәм җитештерүнең легальлеген раслый торган документлардан башка гына сыра сатылуы ачыкланды. Сатыла торган сыра турындагы мәгълүматлар БДАМС системасында да чагылыш тапмаган булып чыкты. Мондый хокук бозулар «Халык контроле» дәүләт мәгълүмат системасына урнаштырылган мәгълүмат нигезендә уздырылган административ тикшерү кысаларында расланды.
Татарстан Республикасы Дәүләт алкоголь инспекциясенең Казан территориаль органы хезмәткәре Г.И.Чурсина, «2014-2022 елларга Татарстан Республикасында кулланучыларның хокукларын яклауның комплекслы системасын үстерү» ярдәмче программасын гамәлгә ашыру һәм мәктәп укучылары арасында кулланучыларның хокукларын яклау турындагы законнарны популярлаштыру, аларда дөрес куллану тәртибенең хокукый белемнәрен һәм практик күнекмәләр формалаштыру максатында, Казан шәһәре Совет районының 169 нчы урта гомуми белем бирү мәктәбе укучылары белән очрашу үткәрде.
2020 елның 18 нче мартында Әтнә муниципаль районы Күңгәр урта мәктәбендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина 8-11 нче сыйныф укучылары арасында «Кулланучы хокукларын өйрәнәбез», «Рациональ кулланучы» темаларына сыйныфтан тыш дәрес үткәрде.
2020 елның 18 нче мартында Татарстан Республикасы Дәүләт алкоголь инспекциясе хезмәткәрләре Татарстан Республикасы Әтнә муниципаль районының Олы Әтнә авыл җирлегендә яшәүчеләр белән очрашты. Чарада Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина һәм авыл җирлеге башлыгы урынбасары Рәдилә Мәликова катнашты.