ЯҢАЛЫКЛАР

Сыйфатлы кием сатып алу – бик гади бурыч түгел. Кемдер кием-салымны – базардан, ә кемдер фирма кибетеннән сатып ала. Еш кына базарда товарлар сатып алган кулланучылар соңрак сатып алынган товарларның сыйфатсыз булуын ачыклый, ләкин үз хокукларын якларга омтылмыйлар. Югыйсә «Кулланучыларның хокукларын яклау турында»гы Законда товар сатып алу урыннарына карата бернинди дә чикләүләр билгеләнмәгән.

«Татарстан Республикасында кулланучыларның хокукларын яклауның комплекслы системасын үстерү» ярдәмче программасы кысаларында Түбән Кама шәһәренең «Милосердие» халыкка социаль хезмәт күрсәтү үзәгендә өлкән буын кешеләре белән «Кулланучыларның хокукларын яклау» дигән темага дәрес узды. Өлкән яшьтәге кешеләр аерым игътибар, кайгыртучанлык, тормыш проблемаларын хәл итүдә катнашуны һәм ярдәм итүне, аларның законлы хокукларын яклауны таләп итә торган, социаль зәгыйфь категориягә керә. 

Ел саен 15 нче март көнне билгеләп үтелә торган Бөтендөнья  кулланучылар хокукларын яклау көне алдыннан, Чаллы шәһәренең «Тулпар» сәүдә үзәгендә кулланучыларга консультатив ярдәм күрсәтү буенча «Консультация өстәле» оештырылды. Бөтендөнья кулланучылар хокукларын яклау көне тематикасын Халыкара кулланучылар оешмалары федерациясе билгели:  2020 елда бәйрәм «Рациональ кулланучы» шигаре белән үткәреләчәк.

2020 елның 14 нче февралендә ТР Дәүләт алкоголь инспекциясенең оператив муниципальара контрольлек бүлеге, ТР Эчке эшләр министрлыгының Икътисадый җинаятьләргә каршы көрәш идарәсе хезмәткәрләре белән берлектә, Казан шәһәре, Олег Кошевой урамы, 16 йорт адресында урнашкан, төрле эчемлекләр сатыла торган «Пивоман» кибетендә контроль чаралар үткәрде, алар барышында легаль булмаган әйләнештән 73 литр күләмендә спиртлы продукция алынды.

2020 елның 17 нче февралендә «Каскад» шәрабләре һәм эчемлекләре җитештерү буенча Злынковск яңа технологияләр заводы» ҖЧҖ (Брянск өлкәсе) җитештергән 1500 литр күләмендәге спиртлы продукция «Пивоман-Казань» җаваплылыгы чикләнгән җәмгыяте тарафыннан ирекле рәвештә тапшырылды.

"Халык контроле" дәүләт мәгълүмат системасына алкогольле продукция әйләнеше өлкәсендә закон бозу фактлары турында гражданиннан алынган мәгълүмат Казан территориаль органы хезмәткәрләренә Казан шәһәренең Яңа Савин районы территориясендә урнашкан стационар булмаган сәүдә объектында сыра сату очрагын ачыклау мөмкинлеген бирде.

2020 елның 28 нче февралендә район башлыгы ярдәмчесе А.Е.Ярухин һәм район башлыгы урынбасары И.Р.Измайлов рәислегендә Чүпрәле муниципаль районы территориясендә алкогольле һәм спиртлы продукциянең законсыз әйләнешен кисәтү һәм чикләү буенча ведомствоара комиссиянең чираттагы утырышы булды. Комиссия эшендә ТР Дәүләт алкоголь инспекциясенең контроль-инспекция бүлеге җитәкчесе Татьяна Хәбибуллина, ТР Дәүләт алкоголь инспекциясенең Яшел Үзән территориаль органы җитәкчесе Марина Тихонова катнашты.

Еш кына, контроль-инспекция чараларын үткәрү барышында, Казан территориаль органы хезмәткәрләре законсыз әйләнештә яки яраклылык срогы чыккан шактый гына алкогольле һәм спиртлы продукция булуын ачыклый, кагыйдә буларак, мондый продукция әйләнештән алынырга тиеш.

Мондый продукцияне конфискацияләү турында суд карары чыгарылганнан соң, аны юк итү турында тиешле гаризалар формалаштырыла.

Бөек Ватан сугышында Җиңүнең 75 еллыгы һәм Апас районы оешуга 90 ел тулу проекты кысаларында агымдагы елның 28 нче февралендә Татарстан Республикасы Дәүләт алкоголь инспекциясенең Яшел Үзән территориаль органы контроль-инспекция бүлегенең әйдәп баручы белгеч-эксперты Г.Н.Абдрахманова, Апас гомуми белем бирү мәктәбе укытучылары һәм укучылары белән берлектә, Бөек Ватан сугышы ветеранының тол хатыны, тыл хезмәтчәне Абдрахманова Мәрзия Шәфыйгулла кызы янына бардылар. Мәрзия Шәфыйгулла кызы агымдагы елның апрелендә үзенең 97 яшьлек юбилеен билгеләп үтәчәк.

2020 елның 27 нче февралендә Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасы дәүләт һәм муниципаль хезмәтләр порталының "Халык контроле" дәүләт мәгълүмат системасына килгән гражданин мөрәҗәгате буенча уздырылган административ тикшерү кысаларында Алексеевск районының Юеш Көрнәле авылындагы кибеткә юл тотты.

Визуаль карау вакытында сәүдә объектының стационар булмаган билгеләре ачыкланды: инженерлык коммуникацияләре юк, бина җир участогына ныклап торып беркетелмәгән вакытлыча конструкциядән гыйбарәт. Әлеге сәүдә объектында алкогольле продукция, шул исәптән сыра сатылмый, дигән мәгълүмат та юк.

Татарстан Республикасы Дәүләт алкоголь инспекциясенең Арча территориаль органы хезмәткәрләре өчен "Дәүләт хезмәткәрләренең коррупциягә каршы үз-үзен тоту психологиясе турында" дигән темага дәрес булды. Чараны Г.Тукай исемендәге Арча педагогика көллияте педагог-психологы Ильвира Латыйпова үткәрде.